Serikali ya Mapinduzi Zanzibar

Youth Future Hub

Utangulizi

Kwa kutambua kuwa changamoto na fursa zinazowakabili vijana hubadilika kwa kasi kubwa, Baraza la Vijana Zanzibar limeanzisha Programu ya Future Hub. Lengo kuu ni kuwajenga viongozi wa baadae wa Baraza la Vijana na pia kuwahamasisha vijana katika kutafuta fursa mbali mbali za kitaifa na kimataifa. Future Hub ni jukwaa la kuibua, kuimarisha na kuunganisha vijana ili wawe viongozi wa mabadiliko chanya katika shehia na ngazi ya kitaifa na kimataifa.

Malengo ya Programu ya Future Hub

Kutoa Fursa za Ushiriki wa Mafunzo ya Kitaifa, Kikanda na Kimataifa

• Kuwezesha vijana kushiriki mafunzo, warsha na semina mbalimbali ndani na nje ya nchi.
• Kuwafundisha namna ya kupata na kutumia fursa zilizopo kwa maendeleo yao na jamii.

Kujenga Viongozi Bora wa Baadaye

• Kuwapa vijana mafunzo ya uongozi na usimamizi.
• Kuandaa semina na warsha za kukuza uwezo wa kushika nafasi za uongozi ndani ya Baraza la Vijana Zanzibar, taifa na jamii kwa ujumla.

Kuunganisha Vijana na Fursa za Kitaifa na Kimataifa

• Kuwezesha vijana kupata ufadhili wa miradi, ajira na ujasiriamali.
• Kuwa kiungo kati ya vijana na taasisi za maendeleo ya vijana.

Kujenga Mtandao Imara wa Vijana

• Kuimarisha ushirikiano kati ya vijana na uongozi wa Baraza la vijana shehia.
• Kuwezesha ubadilishanaji wa mawazo, maarifa na uzoefu kupitia vikao na mijadala ya pamoja.

Kuhamasisha Maadili, Uwajibikaji na Uzalendo

• Kukuza kizazi cha vijana wanaojitambua, waadilifu, na wenye moyo wa kujitolea.
• Kufanikisha hili kupitia mijadala, mafunzo, kampeni na ushiriki wa vijana katika shughuli za kijamii.

Kuimarisha Baraza la Vijana

• Kuongeza wanachama na ushiriki wa vijana kwenye shughuli za Baraza.
• Kutoa msaada wa kitaasisi na kiufundi ili kulifanya Baraza kuwa chombo madhubuti cha maendeleo ya vijana.